CV.

1316, Dezember 12. Reichenbach.

Herzog Bernhard (s. No. XCII.) bestätigt die Uebertragung des Patronatrechtes über die Kirche zu Würben an das Kloster von Seiten des Bischofs Heinrich und seiner Geschlechtsgenossen (vgl. No. XCVII.).

In nomine domini amen. Cum dictum poeticum dicit etc. (wie bei No. CIV.). Hinc est, quod nos Bernhardus, dei gracia dux Slesie et dominus de Furstenberg ad noticiam omnium presencium et futurorum cupimus devenire, quod venerablis in Christo pater, dominus Heynricus, episcopus Wrat., et dominus Johannes, decanus eiusdem ecclesie, necnon dominus Heynricus, canonicus Wrat., et Steffanus, frater eiusdem, omnes dicti de Wirbna, donaverunt et assignaverunt testamenti nomine perpetue possidendum abbati et conventui monasterii Camencz ius patronatus, quod iusto hereditatis et paterne successionis titulo habuerunt, super ecclesia in Wirbna cum omnibus suis pertinenciis, ortis, annonis, decimis, fertonibus. Simulque superioritatem et censum taberne ibidem, in qua quidem taberna ab antiquo iugiter brasiandi, braxandi, cerevisiamque vendendi sine aliquo inpedimento libera extitit facultas. Nos itaque ad vota domini episcopi et dominorum de Wirbna predictorum ac ad humilem supplicacionem domini abbatis prefati ex innata, qua in viros religiosos ducimur, benivolencia, donacionem testamentariam predictam simulque thabernam cum libertatibus iam dictis confirmamus, ratificamus et perpetue abbati et conventui in Camencz possidendum ascribimus; volentes igitur, quod eeclesia predicta omni libertate ecclesiastica perfruatur et gaudeat, nullusque officialium nostrorum aliquam impeticionem seu exaccionem, quocunque nomine censeatur, imperpetuum inponat et exigat. Ut autem hec donacio et nostra confirmacio in omnibus suis punctis et clausulis inviolabiliter teneatur, presentem literam desuper confectam nostro sigillo fecimus diligentius communiri. Actum et datum Rychenbach anno domini M°.CCC°. sextodecimo, proxima dominica post diem sancti Nicolai; presentibus testibus subnotatis: domino Siffrido de Girlachsheym, domino Kiliano de Hugwicz, domino Hermanno de Rychenbach, Magno de Czirna, Johanne de Czedlicz, qui Wegiste nuncupatur, Heydano de Girlachsheym, Arnoldo et Hermano de Peterswald et aliis pluribus fidedignis.

Fälschung aus dem 16. Jahrhundert, Urkunde Grüssau 38 im Staatsarchive. Vgl. No. XCVII. An grün- und rothseidner Fadenschnur das herzogliche Siegel mit Rücksiegel, rothes Siegelwachs in braunem Wachs.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.